Theih louh luatle hoihlou zel....

Buailai hiveh aw... Nikhat mah lah vuah zu nilhnilh khau vot sim mahmah hiven, duty post mai lam a mipai thawm za in “THUMPH!!” suk ziang chihleh “KEU KA'U” chi'a hon kidawg...Duty pa'n “Bang e Keukau? ” chi'a dawng non, I theih thakthak leh Unau Vaipheite hong gal tai anahi, kou kahi uh chi nuam dan ahih uchu. Numei leh naupang bang le hongtel ua, ahehpih huai mahmah uhi.. Ah! Buaina thu zaw hun heh maw...Eimite' lak a Paite kampaute'n kha mi' pau-le-ham theihhak/zilsiam hak kisa deuh in kamu hi. Kisathei lua houh hini hang aw maw..Theikhang! Kei b'a tuuu.... kheng diak Hmar(ka thei chet ma a Hamar chi'a ka sim sek ) leh Lusei pau bang theikhen khollou, kum 5 val vingveng Chennai a khosa na ing a Tamil pau thei tuan dek lou. Huaiziak a, huai sepaih kilak inchin vaipau a bang hiam a gen ualeh, “Hiai maw....??” chi a a half-pant laikhe puatpa mah bat helhawl, bat himhem hun bangle ka tuak kei I chi thei kei a'ii. 2009-2010 kum lak vel a recession ziaka company khenkhat kikhak in sepna zong atam mahmah uhi. Huailai in mikhat in na sepna u'ah hon refer in hon chi a kenle ka ka bosste ka hilh leh tulai recession ziak a market value niamlua, kumah mithak kila lou phot di ahi chih hon hilh ua himahleh refer dia hong ngen pen awlmoh huai dinmun a ding ahihman in kenle ka genthak leh kum 3val sep nung a kuamah refer ngei nailou kahih na toh lem hon sakpih ua himahleh kumkhat sung asep keileh keiloh apan dangka singnih hon laksak ding uh ahih chih HR te policy ahihdan hon hilh hi. Kenle'ng, awlmoh a kipanpih hisam ven kumkhat sung lah sawtlou a, mawk tawp sam kenteh chi a ka “OK” vial leh lawmpa gintak banglou maimah!! ei kiang bek ah hon gen leh phave, kha guk le semlou a tawp mawk! Loh zaw hon lak hem sak sam kei na ua, Bosste maituah kha nuam khol hetlou eive.... Hichi bang dan a mi'n amau' punna di kia, amau' angma kia asial nadia kahlei di khong a hon zat chiang ua “Eih..!!” I chih chia ana kikhel man nak inchin. Nidang a hehpihna ziak a ina pan pihpihte bang le gintak banglou tak a hon simmoh mahmah nuam ek uh dan anahi eivele.Collateral damage omlou theilou himah leh mi'n chalak a honbeih uh ke'n heh luat man in khuttum zial mawk leng mi' muh a kei moh zaw maimah di, huaiziak a chalak a kibeih cheuh-cheuh bang le a zilna sikul bang omleh ziltuak thil khat hiveh aw. Godfather film teng khong etsuak sipsip a, a-basic zil phot katup chu hi.Don Corleone in Johnny Fontane kiang a "I'm gonna make him an offer he can't refuse." chi'a pat pah mai di hya?he..he. Tunia news item khat “Ms jacintha Lazarus, IAS DC/CCpur in Manipur Chief Secy order dungzui in CCpur district sung a SDO teng in recognised khua/veng om teng ah Oct 22 apan Nov 9, 2012 sung Village Authority election neiding in notice suah a, himahleh ahun hihsau in Oct 22 apan Nov 21, 2012 sung a neihding in bikhiah thak hi. Village Authority election zawh nung Nov 27, 2012 tan in election result teng submit ding in DC in SDO teng theisak hi” chih kasim leh ka ngaihtuah na a hong lut mawk chu- Tulel a VA a panmun len khate'n a panmun uh nak khah khiat utlou lotel di ua- chih a'ih chu. Khek khiat a a-om khak di'u lau in zalkhun tung-ah sam bang zalmoh bang le a om mel kuan athei a... Hilele, nang huaipa/nu hilechin nang le kuamah khekkhiat di na ut sam kei di. Aziak nathei. Huaiziak a, I gamsung thu thuchian theilou pi thil pawng gengen a nam makaite pawng demdem leh mi' hehna di sukha leldia thil hai gentheite kisum hun ahi.SMS ziak lel a Noth East mite'n Innlam I zot souhsouh theih ualeh, I hai paupaute un I gam I nam mipite sulung-am zou mahmah lou di adiam? Chi ka'ih bang. Akua-akua in I tuh gah lah I ne sin ngal ua..ivek un..i nek chiang un kuang khat a uum khawm khamoh lou di ihih uh kha.... Gintak het louh pipi bang, Saptuam makai leh upa hon bang toh houh um khawm khak phut in om khamoh na..."Gehenna" ah. Ahimhim a, Gotuai thu lou a le gilvah thei thou nazen pi, uisa nelou ale omtheih zenpi, mi gam a uisa nek khong amuh niam lam uh thei zenpi a vahih guigui teitei, tuaithu bang chu....koi hiam ah mi'n inlam a hon puak uh innsung I lut pih leh nam vutvut mai, I huan zou chu innkong lam gamla pi a kiza hi'n maw, agim zatungte'n “Kuate septic tank atel a..” chi khamoh lou di'u e . Kuate hiam le inlam apan bekan thu kikhak unchin, post-man te'n ava deliver dek ua segawp a uih gawp di sa ua aman zah piak a sawm uh bang le thil hithei tak hi'n maw... Mi'n dog-eaters, snake-eaters, worm-eaters, lizard-eaters khong hon chih chiang u'alah za thadah lawzel chih khong kha I omdan tak uh hiveh aw maw lim in. Mahni utdan taka I hihteng kia dik sa mahmah, amah hih teng miteng inle azuih di'u hiam, apom theih di'u hiam, hoih ana sak tei di'u hiam a koih mawkte ihih ziak un...nam buaihuai, nam kideih khop,mi hih neknak-mi hih henghang nam I na himawk mai di'u kachi. Kichangkang sak man le thahah lou, nidang a khoih diale I khoih louh, akih chuh hilou hial, ei a di himhim a I na ngaihtuah louh, zi bang I hon neih leh I sungte khong leh tanau laina khenkhat in ann khong hon nekpih ut a hon sam uh. Deihsak na toh Ak bang hon goh uh, a aak goh chiah chu gou thei in a sa I hon semthei lou bang zaw.. nuam khol het kei e. Theih dia hoih lah I na theihlouh khak I tawndan tuamtuam sa-seh hawm/semdan khongte theih luat dia hoih ahihlam theih thakthak in om ven...Huaiziak a zi(neinailoute) bang hon deihtei sam di nahih chiah..aksa semdan bek theih ahoih chih kon hilh gu ve..mark 100 pua ahi. Thil theihlouh luat le ana hoih khinlou hiveh aw...Chi ing.

Nai chik a hohna hiveh!

Ka khua ua pu-pu khat le kamsiam lou lotel,nau min phuahna a kipah thugen “ Chial louh tanpha le nahong ua…” chi, aman chu ahiloulam a agen kithahah lou e’ichu.Huchidan deuh le hituan lou chial a ka-om ziak in Ka inn-luahna uapan Bag nungpuak in Bus no. 46 ah katuang hi. Tutna lah kitanglou ahihman in Bus sung a sik-chiang kizan, mi' let thoh dia abawl uh hinapi kei kaki khaitoh sim a...CMBT(Chennai Muffusil Bus Terminus) katung hi. Crore 103 bei a kibawl, Asia's Biggest Bus terminus achihzen uchu, New Bazar bus terminus sang in chuh alian zaw tham na a, “Takpi in maw?” chih theih thouleh kilawm.2002 a azoh tunglai unchu hoih mahmah ding ahi chih kimuthei hi. “Direct! Direct!” chi a kikou chelchul chu omlou in Ticket counter a ticket la in ka bus di kazong chenchen a, Ka Bus di kamuh tak a khaa...A bus kiang mah ale a conductor pa'n le ticket anazuak daih!

Bus san gimgem, a tutna bang tak sim mahmah ah mulhau deuhmai leh lian deuhmai nupa kopkhat toh katu khawm lelat ua, vomdeuh thilthel kei le utuh ata di'u mah kibang ven aw. Ka hohna dipa'n hon fone a, kapai nadi kachian nahiam chih hon dong thakthak hi, kei kia pai kahihman in leh lamkal a ka kumkhiat ngai di ahihman in ka kum khiat nadi kapelh khak di bang lau in hon tai gamgam zozen veh e..Kimuang deuh in, “Thei zezen e, k'ong tun chi'a di ana koih ou” peuh chi'n kahunsak uhi. Ni hong sa deuhdeuh a kagei a nupa tute kho-ul hongkai panta.....ka kawtsuak phial!

Dakkal 2 lampi ahi a, Mel 107 lel himah leh kholum luat ziak in sawtdiak ablang! Keileng tungdek tadia kigingta a dakkhiat bawl di kachihleh mi tamsim ahihchia kagei a dingte kadot leh “ Nexdie Stopeddi ” hon chi ua. Bus a hong khawl in kakum tei ta. Piltuak deuh a kakhodak hang in abuailam kahi, signboard kitakte I en alah amau pau kia a kigelh kisim theilou hiven. I sim theih sunsun chu Airtel, Aircel, Vodafone chih khong kia hi. Kahohna dipa kafon non a, lampi a mihong paite peuh kaban dotleh, agen chiangtak in theikei mahleng “kumbaih lua neifoi... Autorickshaw la in la Ranipet kichih namun ah Bus man non in” chi abang! Ke'nle auto ngak- Auto le I deih chiah Lamka a townbus ngak toh kibang-I deihlouh/poimohlouh tata chia ta’tam. Hongpai khong, tuanman dek(bargain) zomah, force of habit hi’nteh. Kadek lehchu utkei thou, honpai san dek mawk! Dek chikei e chi in, “Eih! Eih! Eih!” chi'a kakham thak non a, Katuang ta. Auto pute'n khopi banglou a hon khembawl lou ding uh ahi chi a kalawmpa honhilh katheikhe thak phing ve.

Ranipet tung khong! Bus stand mitsuan pah, bus khat ana om, tawmlut gaih! Asung katun a kakhodak leh den a katuan na Bus mah ana hi! He..he..Singpi dawn leh passenger ngak a ana khawl uh a'ihtuh. Zumhuai sim na a honthei siam sim zaw hinte Bus Conductorpa'n hon nuihsan heuhau. Huainung chuh amau pau katheih dandan a kan in Conductorpa' hon 'signal' dichu ngak in a melhoih leh hoihlou thu hilou....ka melh cheuhcheuh a ka enchim kei hial e. Dakkal lang khong katai zoh un katung khong ei...Thiruvallam-Vellore (Eilawi lam-et topna deuh a ineih uh damdoi inn omna kha) apan mel 13, NH - 04 dung a om kholian lou chilik, inn kigamla simsim a teng vikviak. Hiai muntak bang dia kalawmpa'n azi neihna dia tel adia aw kachi, kitenna sum sendi sukniam ut lampang deuh chu hidi'n kagingta. Keibuai pih dichu anak hihlouh!

Kalawmpa chu ka fone leh puja neidek jual minit 10 khong kangak ngai di ahihdan hon gen, lampi gei a singkung nuai a suangtung a tut-ngak.Mi'n hon fon di ngak leh mi hongpai di ngak chih khong chu haksa kasak mahmah telak a khat eive. Meltuam deuh mai khat in bang hong hih a set mamah a hiai kawmkawm a chi uh zaw ahi di, hongpai peuh in hon en tuan thakthak ua, akhente lah hong lehkik thak jojen in hon chibai mawk ua, naupang hon in hon mu utdiak uh- Tui bang honpiak utoh, bangbang hiam om nenaw khum a khum khong honpia ua- chim manlou in lawmpa honpai a huchin kaki pankhe ta uhi. Oh! Hummer SUV a hongpi uh chih kagen khata hia? Houkei..I tuankhak patna eifoi.Na bang a..?? Huaile a gamdang apan a import uh hizomah!

A khosung katot khakna munte uh ka etvel chia Nungak-Tangval tamhetlou a mu inga lawmpa kadot leh gamdang ahihke'h khopi a nnasem a om tangpi uh ahihdan honhilh. Sawt tailou in “Kalyana Mandapam” katung ua, huai ah ka room di ah honkha a ahohna di om achih ziak in honpot khiat san hi. Hiai “Kalyana Mandapam”(Kitenna hall) sawng thum abawl ahi a, anuai nungpen annek na hall, sawngkhat na leh nihna hotel room dandeuh a kibawl room ngen in adim hi. Asawng thumna ah hall zaitak a om a, hiai mun chuh “ Kasauti Zindagi Kileye ” hia bang a hiam khat serial a Anurag leh Prerna meikuang kim a apaikual dan a paikual nadi mun ahi. Hiai roomte ah alawm-avual leh tanau lainate tunna mun lah hi lah kitenna hall diale zang geih I chih chia eilam ahle Hall tampi bawl leilui sang in hichi dandeuh program or huchilou dandeuh programme le hi, hall meeting leh meet tuamtuam a zattheih di kinei leh chinchi mahmah leh kilawm sa ing.

Room a lupna tung a kana-kizan penpan leh kong hong kikiuh, kava hon leh Tanvalnou mial bilbel thum in Kalawmpa'n a sawl ahihlam uh gen in Vellore lam ah va “Touna” pheiding in reception hun a tung di kahihdan uh hon hilh uhi. Hiai mun a munhoih omlou maw kachih leh 'very dirty' chi uh ahihman in kava zui aka. Tangval nou kachih hang a a-awm(Chest) tan uh khong kipha chu hi.

Reception hun in katung ngei ua, Mounu leh Moupa dohsang tung a ding in atanau laina leh lawm-le-vualte'n Present piakna hun ahi mai. Kivual dendan in lim kilakpih, Huai zohchia pai uh! Lawm dangte le hong tungsuk ngei ngai ua, amau le hon tawi beh uh a'ihchia room a kava 'behlap' cheuh uhi. Huchi'n koule Reception neihna lam kazuan uhi. Lutphet, lawmte hong kipan pah uh, hong kipan pah kachih chia kha – Mounu leh Moupa dinna nawldeuh a Local 'Band'te'n tumging ngaihtak tum ging noknok uh hiven. Huaite kiangdeuh a 'dance floor' didan deuh a mun-awng om a lam a lam sawksawk uh. “Tak-a-rang!! Tak-a-rang-rang-rang-taka-rang!!.....!....!! ” Chimai !! TV channel dang I zon nalam a South Indian TV channel khong imek khak chiang a alam sawksawk, alawm loplop dan ua. Keile kavatel lamzaw gen tuan se ngaidah heh aw.. Huchi'n, present kapia ua ann-nekna lam kazuan uhi. Sa meh di kakisak leh hidek lou daih! Muslimte’ kitenna hileh chu Biryani kine di hi a…

“A kitendan uh sum tam beichi petmah..chiphetle. Kitenna hall khelhman, tanau-lainate kuan-le-pai man leh ann-nekman, gold man, zu-man le hilai. Hiai hun achu a tanaute (adiak in pasal lamte) uh duh-deihteng piak ding in lungkimtak a paisak di chih himai. Eilam a dan akiten I ngap louh pii toh hiaite' kiten dan bang a kiteng hile tuuuu....In gam di ikei maw.. Amau le a In-gam zouhial mah ua. Tulai dan mah chih ut huai didan eivoi anei loute adia....amau eikha kagen” chih khong ka lupna tung ah ka ngaihtuah a, Zingchiang zingkal a kiteng taktak pan di’u hilai !! Akiten taktak pen uchu family affair deuh a’ihman in pai mai di chih chu hi.

Chennai Rehab. sa na'u maw?

Simtute, tutung zaw 'serious note' deuh in tulai Chennai a hong mualliam khate apan ngaihdan tamlou kon gelh him awle. Awlmoh zou a diangzou/man kahi kei hial,mi' gen a kamuh hitangpi mahleh adik louhna om hial leh atheite'n “kihilhchet louh di” chihthu omlah hilou a maw.

Sawtnailou kum 2008/09 vel apan in eimite'n Chennai boh in in boh ua, nawn in I kinawn suk uhi. Sep theihtheih sem a akhente'n sum muhna hoihtak leh innkuan vakna hoihtak a azat theihlai un, akhente' adi'n khamtheih hihna dilel un zang maimah ua, khelah gawp a hai-om mawk le aki-om hi. Minsiat huai pipi a eimite Police khut khong leh Taan-inn a I taan tekhong thukhat hileh, hiai Khamtheih hihte'n imi-isa sumualphou in mi nawngkai sak mahmah in kamu hi.Nikhat tei, khamtheih hihlou pi kholai ah vangsiatziak a sihna tuak om zenzen le'ng le Policete'n OD hon hihsak mel uh kuan athei a.

Chennai khopi ichih hih, mi'n “Metro-Village”(Khopi-Khota) ana chi namah ua adik mahmah nachiang om hi. Khopi ah teng in nalh taktak in kichei mahle uh, alungsim uh ST/tuantual lai mahmah in kulmut mahmah uhi. Pasal in half-pant teng a kholai pawt chiing vaklou unchin, ei huchia iva omleh hon munuam lawmawk uh chihdan neuhneuh khong te leh I seppihte kiang khong a ngaihzawng nei ihihdan igen khak leh ofis pumpi'n thei I chih chiang a, vengkhat a Policete'n/I Innluahna te'n O.D a North East mi himhim ahong sih chiang ua, “NE mite khamtheih hih hat” chih thu in khopi sung velsuak zou mahmah sim hi in kathei hi.

Atuan tual mahmah hang un, mi panpih, mi houpih chihte a taima ua, himahleh, dankalh a gamtang kha amuh uh lehbel Police ah report pahpah ahihman un policete' nasep suzangkhai thei mahmah uhi. NE mi lak ah eimite hih mi' tawndan neuchik leng zuih sawmlou, Innlam a I puansilh-niktente mah silh a tenga, Innlam a I nek bangbang nek sawmte ihih laizang man un, a selam ah minthang abaihlam diak hi'n kathei. I omna mun toh kituak ding deuh a neuchik eimah kikhek lamdang deuhpen amau ading mah inleng a etnuam deuh hi, chi uhi. Innhoih lah luahzoulou hang a, “developed slum” lak khong a teengzou liliai in I kicheina hong “hollywood” luat lenlon chiang a I tenna mun-le-mual leh inveng-inpamte toh hong kituaklou lawdeuh hiven.

Tutan a Chennai a eimi sihna tuakte avek phial un Khamtheih overdose ahi uh, chileng ka khial lawmlawm keiding. Chennai a nnasem dia tungphet, sem le sem man nailou a O.D, A sepna a Anaesthetic peuh a ana O.D, Innluahna a O.D chih khongte Zomi Welfare Committee Heutute'n avadelh chiang un Policete' mai leh Doctorte' mai ah azum tuntun hun uh omding in kangaihtuah hi. “Sungna” chi a mawk vuiliam theih mawk hilou a post-mortem bang bawl a, Policete' lak a sai neuhneuh ding tampi sai a vuiliam zel ZWC heutute phat tham ching uh kasa mahmah hi. Innlam apan lah “Huailam ah vuimai ua” chih ngen hi tangpi lai in thei ing. Innlam apan a kipat dek ua, hong sih di'u theisa a hon khakhia uh hileh kilawm sakna chiang bang nei ing. Chennai a eimi omte hih Delhi,Mumbai, Kolkata, Bangalore khopite banglou in, Sepna lian nei leh heutu piching makai thei ding mi om(nai)lou. Naupang chikchik ngen kimakaih a om nemnem, hichibang hun khong chiang a, chipih-sapihte chi a awlmoh ziak a, vadelh heutute akhavat mahmah hun uh omding in ka gingta.

Hichibang a sihna hongtuakte atangpi in amau om-om a om, kuatoh kisai khollou leh pawlpi khong a leng kihel kholloute ahi tangpi uhi. A sihlam uh itheih toh khopi khat a omkhawm hihlam kithei chihdan hi mawk! “A khamtheih hihna ding uh sum valohkhia thei ahihbek leh ahoih” chi in ngaikei leng chi peuhmah ing, Innlamte. Tate' luang leng muhkhak louh poisalou kitamta hi'n mu ing. Mi hongpai ding leh ding louh uh lah pawlpi' mawk daltheih himawklou a, pilvang theilou zen a khamtheite zaw khopi khong a kisawl sangin....chithei leng uthuai kasa. Kuapeuh' insung a tungthei thil hi, hitamahleh Inkuan pihte' pilvanna neuchik ziak in I sanggamte, ita-inaute, inn apan gamla pii a mualphoutak a asih ding uh veng thei hilou I hiam chi ing.

Ana gimpih leh buaipih te'n, a gimluat lung un “ Chennai Rehab. sa na'u maw?” chih theih maileh kilawm in kangaih tuah hi.

Zomicoolmood's Fantasy continues......

TUAMUN AH
Gamla louchik lah gamdang,Phaitam mahmah a nasem a kuan akihih ban ah apau uh kithei chiikta ahih manin, bawngzawi khong zui a Border Security te kapelh nung un bel bangmah buaihuai nading omlou in ka tupna munding uh 'Tua Khopi' katung uhi. Muanmoh huailou pen a omding chih tuh ahi masa phot mai.

Kal thum bang ka omta ua, ka van poimoh dingte uh hongtun ngak kawm in, gari workshop peuh, Hotel leh khopi munchih-kilchih ah septheihna mun tuamtuam a sem in, bang thuthak oma chih nitak chiang in ka kihihilh tuah zel uhi. A khopi mapte leh konzing tuamtuamte vel chian thakthak a ka omlai un kong hong kikiu ging kauh khauh a, kava et guk leh Marco ana hi a, Marco bel mimuan huai mahmah a kinei, galvan a sumdawng siamnel tak ahi. Amah lawkna di ahih nakleh koimun peuh ah zat theih phial khat a sumduh, sum a kamhum khit ahihmanin, 'muanhuai' tadih phot di'n ka gingta. Kongkhak kava honleh van hong koihdek uh ahihdan hon gen nutnut kawm in hon pawlut tultul uhi. Marco leh alawmte pasal 2 bel sawt omlou in apai khe kikpah uhi, sawt a om uh leng kaphal kei bok. Ka galvan specialist uh- Coolmood in hon vel vitvit, hon khoih tuah laplap a, bangkim hoihna in kim na e chih a chet zoh in azing chiang a target masa ding bang chi bang a semsuah ding chih ka houlim uhi.

Ka target uh bel, amau laka tallang mahmah leh azah mahmah khat uh ahi hi. I gam ading in bangmah thilsia hihkei mahleh, mipi' zah leh thulak, laisiam takmai leh amau' gam adia Siamsinna lam a kikhekna tuntute' laka makai khat ahi hi.University teng enkai dia a Govt. un aseh dngzui in, Z-category security piak hi a, bangchi bang a khoihtheih ding hiam chih ka kikupkup chiang un hunbi khatkia om(chance khatkia om) chih kathei uhi. Hiai chance kathulh( ka miss) zenzen ualeh bel, dam in kapot khe kei ding uh chih kathei chiat uhi. Panmun ding, kihepkhiat na munding chihte ka et-chet thakthak zoh un, sapneupa'n ka vanzat dingte uh hon en-fel a, katawldam phot uhi.

Zingkal dak 4:00 geih in kapan mun ding uah ka omta uhi. Ka panmun uh bel, Target omna apan gamla lou, Corporation building tung ahi hi. Bok hethat in ka target pa' uh lemlak kama u'ah kaphah uhi. Kei leh sapneupa hiai nna semsuah dia kuan kahi ua, sapneupa chu: miki saphuh litlet, neu fel liuleu khat ahi a, alusuk hat mahmah hang in Sniper meithal zaw amah adia bawl mawngmawng mah ahi diam chih ding tukin a siam in azei hi. Dak 4:44 aging kuan in, mial thithiai lai, ka target uh zingkal exercise la ding in hong pot khia a, anung ah abodyguard in hon zui hi ahi chih ka etletna(durbin) apan kamu thei hi. Hiai hun mah kangak uh ahihman in sapneupa kasap pahleh hon dawng hetkei a, ka et pheileh ana lusu duauduau man, Ka tong a tauhphei gaih in kaphawng a, aman leng a thau hon kam in hon ngim vengveng a......a KAPTA!!!
Ka target uh chu leilak a puk in kisat letlet in atang nonkei chih ka chet chiang in, atal akolh sim veuvou ziak a 'keuh' chi a kasap uh: thugelh,internet leh Propaganda specialist, “manta” kahihdan uh kahilh zoh a Sapneupa ka etphei leh a meithal ana ngiim veuvou lailai a, ka sap leh a bodyguardpa le kap tum ahihdan hon gen mahleh 'I target lou kapdah ni' chi in kaki hemkhe ta uhi. Silencer kithuah thau(meithal) kizang ahihziak in tua Bodyguardpa'n bel amuanmoh nana kap in akap zatzat a, abuai mahmah ve!. A chaang in zaw ka omna lam uh hon kapkha dek sam mahleh ngaihsak tham ahi kei. Innsung aom Security guard dangte buai mahmah chelchul ding un ka nagaihtuah hi.

Huchia ka kihep khiat laitak un, coolmood leh puphual in 9mm(thauneu), kou kihepkhiat na lehlam daih u'ah,Gari neu a taikawm in avang kim leh ka target kapna uapan gamla hiaihiai in ana gin(puaksak) uhi. Hatdeuh a taikawm ahihziak un adelhtu omleh leng, adelhphak matham un akihem khekhin manding uh chih achiang khopmai. Puphual bel,pautamlou/michingkam khat ahi, khawl(Machine) lam peuhzaw a ngapthoh in a zohthoh mahmah ve. Gari sia bawl khong leh puakthei(explosives) siamtungtuang(specialist) a kazat uh zaw kazang khial khol hetkei ding uh.
Keuh inleng a nnasep ana zou mahmah ngei a, Nitak a kanasep uh lohchin lopna a ka 'Touna' laitak un TV ah thuthak puang tu'n “ hiaite'n amau khutnung ahi chi in puang khin mahle uh, amau pawl hilou ahi chi'n thupuan bawl non uh, thuchian kimzaw ngak hilel”...Keuh le hih fuh kisa sim ahi ngei ding, bang hiam gen di honsa in hon mitsuan gaugau mahleh kadai a, aman leng agei a sahou la in ahai matmat hi.

Hiai ka nna sep uh huzaap angaih mahmah mai a, lampi zuitoh, Bandh bawl toh abuai hial zelzul ua, Kalkhat sung bang Siamsinna Inn tengteng khak bikbek in om hi. Koumah bangleng bandh, dharna, Gari tyre hal chihte khong in kava hahpan mahmah mai uhi, kuamah muanmoh a omlouh ding chih ahihziak in. Helpawl ngoh a omte bel govt. inle azat thou, I gama buaina piangsaktu dia a tawsawn uh ahihmanin govt. kialou, a mipi mahmah toh leng aki tanauna uh buaizou phial ahihdan thuthang kiza hiauhiau ahihman in, biltai huai kisa chiat ahi ngei ding Sapneupa'n keuh' nung nui themthram in a beng thauhthauh hial.Kou ngei leng bangtan hiam bangmah hihlouh phot hong ngai ahih man in, ka vanzat te uh thaunilh in kakem hoih phot ua, kasepna chiat uah sem in thuthak leh thu tuamtuam, ka maban target ding ua poimoh dingte uh kaikhawm in ka omphot uhi.

A GUD DIAM??

I Khotang hindan leh khosakdan uh, I et vengveng leh 'huchizaw deuhleh' chih di tampi kimu thei. Alunkim khuk ki-omlou, Vangam lah hilou a'ihchi'a hichi dimah zaw hina inchin gen zel lengle bang kawk! Eilawi Vangam kai zenzen lehang le “Huailam vaakpha natuam ee..!! Eilak bangchi se a'i??!! ” chi di'n kigingta set veng aw. Bangteng hileh, eilak ah huchi zawdeuh leh ka chih simsim te hon kikup dek helel veng e, a Gud diam a Gud kei diam chih bel eimah thuthu aka....

Lasak lam genta le: Lasa siam hunkhop I neita ua, kipah huai. Eite' softpower poimoh mahmah khat hiveh. Huaiziakin, Lasa thei liai teng in la pawng khum zelzul sang in ana siam tungtuante sasak le, siam ngelloupi a sak nutnut a lahoihtak muihsak sang in, nemtak leh zohthoh tak in honsa le uh mi' lung sung a hong tham dia ala aminthan(g) banah, asatu leh phuaktu leng mi' theih hong hidi'n kaging. Bang hiamhiam Idol I thangsak khem nak ua, huaite sutzop ngellouh a om pammaih kana sathei lotel ve! Zop in omleh lasiam thak tamtak muhkhiat a om lai di, I la te uh chu....lawibangthang mai di hiveh. Recording Studio neite bang a sponsortu in pang le uh (Kei bang in sponsor zou di hileng naak utlua kihi'n maw..), kum 1/2/3 sung recording a thawn a bawlsak di' chih bang hitaleh, a studio a te'n a hawmkhiatsak di ua, a lasatu le lawk (Profit) di a Studio neite le lawk di. A idol status penle honglian dia, ahuap le honglian dia, ahuap ahong letchiang in mi' ngaihsang hong hih ding banah, phalna neilou a teisawn guiguite'n le eimi' la ahihnak leh teisawn dah le. I Kristian hihna uh le hikawm, I lasa siamte uh le panpih kha le hikawm, ei-le-ei kidomsang le hi nalai! Huchileh... AGUD DIAM??

Sumdawn na/Sumsinna lam gen nonta le: Thildang tampi lak ah, Lamka a Town Bus ineihte genta le'ng. Town-Bus hong om tunglai in, aneitute'n kivakna kham leh hauhsakna kham in zangthei ua, tua lah chu.....aneizou liai in lei, tai tul-tul mai. A market neuchik sunga a product hong tam lota, a product kikhawng thei tamlou eita voi. Ka na gal ngaihtuah dan gen mawkle, nitenga asum muh khiat uh, a Gari puahna/bawlna di'u toh, gamnuai mite' kianga apiak di'u toh, a diesel man di'u toh, Bahara pe utlou a tuang dite toh I hisap leh, a Gari pen amah leh amah kivak zou nimnem di'n ngaihtuah set tawk veng e!....a dik diam ah. Jeep modify sau, Paupu Auto I chihte zang a Taxi dan a taite le kibang kikzel(Den a Town-buste I gen toh), tai noinoi....a lawk a om zenzen leh zaw ahoih ahi mai... A lawk omkei leh kua tai di azel diam!! Haisim khat zaw hidi ke' !!

Hiai igen ziak zenzen bel, I Sumsinna patsawm dan uh et-thak huai ana sa law mawk kei'h chu.Tu'n le I siam kei uh chihna hilou in, sumsinna kibang mah ahih aleh leng, bangchi dan hiamkhat a atuam deuh zek khat, mi hihloudan deuh khat a hihdan siam ngai, I chihna le hi kawm eivoi. Etsakna di'n genle - Lamka a Auto hawl/tawlte bang inle, a parkingna mun u'ah a passenger di'u ngak mawk lou in, Bus hongtung teng taang(chang) uh henla, huai Bus apan hongkum khe phette' kiang bangah “Sir..Sir...” bang vachi zen ding in “.... Ka Auto ah hong tuang in, a mantawm thei tawp a na utna mun hon tun pih geih di kahi” vachi deuh salsal le uh, eimite bang kha mi'n 'Sir' bang hon chi chiang ua kilungkim lawkhin hi'n maw, kisuanglah baih mi kihi lai a'ihchi'a kituang zel khomoh lou d'e, nikhat a asum muh tamtuam di'n ka gingta tawk ve. Rickshaw le kibangthou...gentam tuan dahni.

I market dungzui a thil et vengveng a, a product I khot(khawng/zuak) nadi et a Sumdawnna pat khiat ding ahi zaw kasa, huai I sumsinna pat pen I hauhsak loh hial nadi'n. Chile lah, khat in pan leh I kizui huthut zel di'uam ah thei ta ke'ng. Mi' pat nailouh leng sumdawnna pat khiat di tam lawlai di'n kagingta, huaite pankhia in I gamsung chauh ban kei lai leh... AGUD DIAM??

Siamsinna lam gen le'ng: Abiik in Lamka'h enleng, I Siamsinna innte pawl sawm tan adi'n gensiat bei phial in hoih kasa hi. A sam kasak bel Sappau leh Vaipau lam ah kibul phuhna ahi. Theih a theih thoh in pau khethei lou. Apau khe sunsunte lah Khempeuh bawl mawk hang a. Eipau hilou a'ihchi'a, sinlaite(studentte) siam huntawk leh Sappau hiam/vaipau hiam a zat sunsun chiang ua akizahpih louhna di'u, thilkhat, Ojapute'n a bawl theih uh omtawk di hiveh.Career guidance Seminar chih dante bang le high-school a hih lai un hah bawl pahleng, a lunglut nana uh teel thei ding uh hiveh, chi ing. Ana navaak khollou sinlaite(Kei le tel..hehe) alunglut dipen theilou a buai tamtak pawlsawm pass, mi' subject laklak bang la khekhe.., lah lunglut taktak kahi'a-hilou chih kithei bun lou, career kisong-soloi gai thei eingal. Career guidance tungtawn a Sinlaite' theihna letsak theih hileh sinlai tampi'n suploh lou ichi hiam alunglutna lamlam ua kibulphuh baih ding un kagingta. Huaibanah, Leitung kil chih ah Sepna hoih taktak nei ahihke'h student/siamsin a om Eimi kitam ta, huaite bang in a omna ua Siamsinna leh nekzon theihna, neu in lian leh, hon phoulak zel le uh....A GUD DIAM??

Ting!..Ting! Ting!...Ting! Commercial Break: Pakhat sam ling theuthuau,lungbuai chimahmah in hongkikou khia "Kei mimal mahmah ana buaigu lawtel ka'ih chu. Ka sakhua juih diklou adiam kachih hun tam law mawk eivoi. Christiante'n Pathian khat kinei, gingdan tuamtuam adim-aha a om in, Zuidik kisa chiat in kidem tuahtuah, Ei' juih louh penpen diklou hisak! Hindute'n pathian tampi nei tawk le ule, Temple khat a lut khawm diamdiam thei uh...Ei set vo'i !!
Eilak zaw….....Amasa a Eimi Association a namchikim(Lamka lamdeuhte) in Biak khawmna nei, huainung a Eimi Association apan ZCF hong om, Kuki/Zou/Simte adg.adg.te Eimi Association a paisuak. ZCF apan EBC hong (guk?) piang, Eimi Association apan a Kukite(KSO) hong kihuui khia uh. Hiaiteng hileh phave..CoC te atuam liuliau a kikhawm zel uh. Entelve!! Belbual... Vangam hon tun di saptuam om ahihleh hon hilh un ka jui ut! Saptuam min vangam kaipih louh di ihih lehlah, atuamtuam a kikhen teltul sese bnag chidan hiam, hon theisiam sak un" chi'n kap keuhkeuh hi.. A kah hong khawl zual a.... a channel kakhek daih..ka lungbuaina uh kibang kasak ziak in....

Sumzom nonle...

Tuahsiatna a Liau leh paan lam ah: Tukthei-Taithei nei kitam ta, huchimah bang a gari accident le hongtam hiaihiai (lai di). Huchibang a accident khong a om chiang a, a gari neite liau sak toihtoih dimah adiam chi kaset voi! Aziakbel(Bus accident in genteh tale'ng), A gari hektupa' ut thu/tup mawng a accident lah hilou a, aneitu'n a accident sak lah hilou, a thuak kha passengerte leh a gari neitu hi'n a hektupa hileh a vangsiat dan uh kibang vek hi a.A gari neitu'n sihna tuakte' luangman pia, adamloute enkol lai le uh puktaw theimai lou di'u adiam? A liau di'u ngiat teitei mah hoih di a set diam chi keive le. Gari in mi aphut khak a, ahektu I mohsak mahmah hang a, phutkhak a omtu' pilvanlah ziak le hizaw sek(thei) eive. A hektu' kizenlah ziak ahih tak leh le a gari neite liausak/mohsak sang in a hektupa mohsak a akituahpih bang gawtna piak di hileh(A dam lai leh..)...A GUD DIAM ? A Gari neite apilvan uleh bel, Passenger Insurance ichi hiam Travel Insurance aneih uleh vangsiatna atuah ni un, liam-le-bai a om khate adin hong zat theih mahmah ding hi.

Tualthahna toh kisai ah zaw Lakh khat chih khong a luang kilei teuhtauh gige sang in, Gamsung dan(law) in Policete' khut a ngathei mahmah tale'ng uthuai petmah kasa. Police toh kisai bangle seminar/awareness campaign bang bawl zihzeh phot le houh ahoih diam chi kave. Indongtate kidaihlah dah vet le tualthah thu lam ah. Mou neih vai khong, Tousa Goh, Nupa kal gen leh adang tuamtuam ah kizang zaw le uh.....A GUD DIAM? Chi ing.

Lamka a Cable TVte toh kisai gen cheuh le: TV inn chih in kinei phial inchin, atangpii a innkuan a etkhawm dia common room a kikoih deuh tangpi. Zansawt lamdeuh chi'a local channel(Vengsung) a Piching Film(Blue film) khong kikhah mawkmawk hi set veh aw! Tulai vanzat changkang mahmah a Mobile apan le etet theih himahleh hiai Family TV pen ah zaw huaite khahkhe hial dahle....A GUD DIAM?

Aziak bel, Naupang kumching loute'n le asuah hun di theilah thahah lou unchin, nu-le-pa'n le vengzou gige lou ding un kagingta. Mihing dai kuaman kaizoulou hiven. Vengzoh leh vengzoh louh thu in zaw a kinga kei, kathei ! Innsung bek ah hihial dah leh, kachi lel ve. Hon chiingpah lahlah le uh anuam hetkei di. Sikul khong ale Sex Education khong omleh a se(sia) lolawmlawm diam chi hiveng aw.

Kaaaaa....teresei!! Natheihsa ngen uh khong hon gen molhmolh zel ka maimah di kachi??? Hehehe.. Natheihsa ngen uh ahih ale lah ko'n theihsak thakna ahi maidia, Natheih nailouh uh ahihleh lah athei nahi mai ua, Hampha!

©Pausont 10012011

Age-No-BAR

Buh tin/pawt bangjah n'on nei ua? Nahong dam na uh maw? Christmas koi a zang di e, tukum? Chih dotnate Inlam/Zodawn lam ah khuang vengvung di'n gingta ing. Internet tungtawn a hiai I thugelh simkhate' kiang lam ah bel Inlam pai dingleh ding louh khong kidong tuah vingveng nihang in. Koi mun koigam ah omleng le, Navek un Christmas Zatnuam!! Azangloute le ' Kumthak chibai' chi'n pan phot peuhmah ni ei guai..

Zingkal khuavot lua naptui bang tak zozen, I khut leh khete votlua kisa hik milmil zozen, Meiphu am-pha mahmah I hon awi bangzaw kipalh huaihuai maimah hiven...Chithei di dinmun a dinglou phot ihih toh, bilkha a chritmas la, Biak-inn tungvuma, paungaihna zanga vengchih in akhah khiak chelchulte uh khong kiza piansim maimah hiveh aw. Inlam le ngaih huai lawtuamkei, thil mulkimhuai pipi atun toh utle uthuai kei, chi'n iki hehnem khemkhem a himai. Kiheh neplouh inle, Car zaw gen ngam zozen khang in Activa lah neilou hanga, Bike lah neilou lai, Cycle neih sunsun lah zatlouh a omna sawtgop zatlouh uthuai zaw di, Khepai a kholak vak dakdak dile hong zumhuai pian mawk dihi'n maw....set a, I silh-le-teente lah hoih huntawk isakleh....inlam adia a version lui mahmah ana himanzel di, I samtan dan lah hithou, I mobile phone zatlah hithou – a version lui phet hilou, a ana extinct manphial dia gingta kaset voi. Kichei isiam dan uh tuh aw...ngalsau changkang taktakte' sang inle isiamlou zaw tuankei hial ei...Hollywood bang ahituan a. Ahoih! Kichei peih ichih tekhong mifel eive ua.. a uanglua chu thuval/beven man hizel. Inlam thaudeuh in vatung lelah “Ju-ngeih” hon hisak di'u, Gawngdeuh leng “Khamtheih hihmaw? Huailam a muhnoplua chi uh himah ve aw maw? "chih hizel. Tungphet khong 'Bang chikchia kiknon di e?' chi'a mi'n hon dot uleh zaw heh huai abat nachiang om, 'hon huphulh lua nahi uhia?' Chihtheih gawpleh kilawm..hahaha. Uanglua a ngaihtuah kha kadiam theike'ng.

Christmas hongtung dia, sang kan(g) louh a bukim sazou mahmah lou, Kumlui leh Kumthak kikhen nizan alah hithou. Akoi a pan ina chiin uh a'idiam ah chike! I utut a I omtheihna di ua inu-le-pa kianga paulam hoih mahmah khatzaw hiveh aw. Anoplam inzaw nuam ei. Sathau khong, sang-man khong, Pa-phol khong, theitui e bang tui e khong leisa a koih khenkhan in, zansawt chia houlim kawm zaizai a I hon kangzaw 'kuadang kangai nonlou..uuu.uu' himai....eive huailai a. Eilawi bel ahoihlam sanga ahoihlou lamdia zat ihatzaw ichi hiam I siamzaw ua chihman thu. A sahkholam vai a zat sanga, a sangkan(g) vai hong suakzawta hi'n kamu. Kingaite' adia lupkhawm nadi hunlemtang, zuduhte' adia lah nuam, zuchiam pan utte' adiale hunhoih, khamtheih tuamtuam chiam utte' adia hun lemtang. Zankhovak a innphalou ale omtheih ahihchiang a...hiaihun atuh nu-le-pa'n le hon phalbawl tangpi uh hi'n kamu. I damsung kumte akibehlap touh zel banga, I sinlai/zillai (asia-apha lama) kibehlap tou, I zilkhiat touhzel dingdan khat ana hilim veh aw maw....kachi aka. Tukum in hiai I Mang' pianni leh kumthak atuamdeuh a zat khak ziak in Aakpi bangzah vei tak hong khuang mahdiam maw ?

Chi thethup set lehang, Neu le zaw buai um ta luo... Gari iheek alah, Traffic Police te'n, I Driving license e bang e, hon nacheck ta veu uh. Aziakbel imel naupanglua hia, naupang garihek di honsa uh zaw hi'nte...eilah chu...Huhui! Helmet leimai ngai, huai I khuk leh zaw adan om aka. Neu apoina (disadvantages) bel, milak a ki presentable lou, zahtak huai kikailou, pil kholke'ng le liansim nelnol leng mi'n hon muhmai ualeh le bangtan hiam zahna hon nei khamoh lou di'u hiven kachi aka. I lungsim pil keukau pen sang a atuamtu-I taksapum, mi'n amuh masak uh ahiziak in. Hiai igen zenzen pen bel bangdang ziak hilou in, thil theichianlou pii a koihdan khatneih khak mawk theih ichih utna hiveh aw. Eilawi in I thilchiin mahmah uh khat le ahi e. Etsaknadi'n genle, Bible zil peuhmah khamtheih hihsa ana hikim khollou eingal. Lunglut taktak a zil tampi laka thum-le-li na theihte'n, Bible zil pen a thilhih hoihlou uh seelna, mi'n mihoih a amuhtheih non nading un ana zangkha maithei tave uh, khamtheih ahih vek uh chihna hilou pii a. Alehlam ah, Lunglut taktak ihih keileh Bible Zil chih khong melbawlna, Rehab chihte in zangdah le chipeuh mah ing, hileh mi'n Bible zilte Khamtheih hih(sa) chi a koihdan khat hon neilou mai di aka... gah le gahsuah tam zaw di. Bible zilzil in azil zohchiang a Restaurant khong, hotel khong, a missionary field himai... sum loh kawm chu hi, hoih himhim. Huai a sem dia Bible zil ngailou zaw hi a chi'n pammaih lotel kana sa khanak chihman thu hi. Ngaihdam! kei gen di omkei mah e hilele neuchilik gen beh zual zek laileng, omdan kilawmlou a mi' gam a iva omkhak chiang midang tamzaw tham, chipih-pihte uh, suminsia phaban hiveh. Mi' koihdan khat a koih, mi' gim-neih a ki-omloh. I nasep-silbawl te'n ei chauh hon sukhalou a midang tampite leng sukha nakzaw thamtham hi lel veh e. Pilvan huai ei. Chennai a sawt omle hilou pii khong anoplouh dan gengen mawk! Ama'n atuah fuhlouh man a, hah gen lawkha in mun tuamtuam a omte'n azak chiang ua gim-neih chih bangle omthei hi'n maw... Theichiang loupi kho' hai hamham ferfur dile hilou!! ... chi'a heh a ana heh mawk hilou maw..hahaha. Eilawi isiam uh chu, "Kum thum ahi tai kalunsetna.....," chi'a hoihtak a sasuk vangvang simzen in",.....Niengboi na zunthakna..." chih sak sese chih khong. I siamna uh kachi kha a I hai-I khel man uh chih zawk dizaw hiven. Hmmm... Bangteng hileh, Vantunglam a nekzong dilah kihilou a leilam mah a nekzong chiatchiat neu lenglang lengle bang poi a, chi'n kiheh nem maini..hehhehe.

Ka khua ua Biak-inn sawm val ngut bang om na inchin, Khotang a kituah louhna ding om vetlou. Si-inn lengkhawm bangzaw nuam eive, gangte la, paite la, vaiphei la, neihsial la leh adangdang kisathei vek. Kei bang in “Athanuoi dailim nuom a chun, Hukdam chate chawl ngatana, Kumkhotuong in kipak zingta na'u, Athanuoi dailim nuom achun...” chih labang eipau a theilou, hilele vaiphei pau a hong kisak leh thei geih. Vengkhung lam a teng, vaite taktak, Parba bangzaw aw.. paite pau siam himai! Aman chu, “Ken chu lenkhawn na a, Paite la sak nuamsa” chimai kha hi'n maw. Amah chauhlou le, vaite tamlou tengzek uh hiven, eipau na nana zaw gelh thei zozen unte! Khonuamtak zaw eive. Biak-inn compound ah Mass Bawng akhihta d'ua aw ??

Sangkan(g) Mass leh kumluite zangzou in Kum thak mel imudia, Inn taisan in I siamsinna lamchiat, I nasepna/nekzonna lamchiat zuan in India khopi mun tuamtuam ah I pai non zungzung di ua.... Pilvang chiatni rape a I omlouh nading un! Age-no-Bar ahihziak in Pitek Putek teleng pilvan ahuai..Khovel luah tute I hoih non hetkei uh! Pilvang laini...Pilvang ni aw...Pilvanna lam ah le Xtra-mile ni.

Kumthak 2011 in, I gam- Inam adia halh thakna khat, amite' lak ah hon tunleh chi law mahmah set ke !

© Pauson T. 3122010

Yippee-Kay- Yay !!!

There is a place where….

…A bunch of Tribes live their proud and pathetic lives. Where every tribe claims their small hamlet as their homeland and asks for Independence or statehood. Gunslingers they are, each tribe have their own small Army for their protection from other tribe or are they rather a drug lord or mercenaries; one tribe going at the other tribe is a common happening while others just don’t seem to care.

…Extortion is a livelihood not an illegal activity, so is bartering money for one’s life. A Grenade lobbed at your house just simply means you have been ‘marked’, to be killed for being so rich!!... If you haven’t met their monetary demand.

…News of Dead bodies, shot-at, murdered, kidnap, Grenade lobbed, UG’s arrested etc. are not even making it to the headlines of a news paper, it’s just someone’s daily chore, a daily affair, and used-to news for the people.

…Bandh, Protest, Rally are yet another way or the only way they showcase their anger at the Government, killers, Extortionists etc. The best part is that the Govt. didn’t give a Damn neither the people themselves; maybe it is way too common that the Govt. too, got used-to it. In a way, how will the Govt. meet all the long list of demands made through the Protest Rallies, Bandh etc. That’s a point to ponder.

…Presidents are abundant ! Every street, every colony has a President not to mention endless number of clubs and Organizations who can always declare bandh on their own free-will. Funding their tiny little Club/Org. by selling - calendars, T-shirts, Iodized-salt door-to-door and what not. People sometime end-up hanging 9-10 Calendars in their house! One for the Toilet too.. Maybe! Ha-ha!

…Corruption is always in vogue, so is Bribery. One needs to buy a signature for certificates or bribe them to get things done, in Banks too!

…Roads can be very confusing. It’s not six lane, it’s not 3 lane or two…It’s Neutral Lane- a lane where you drive in zigzag as per your convenience. Dusty roads in winter and muddy/puddle road in summer.

…Electricity is a far-cry for them, so is Developments. Load shedding is a common word that laymen could understand that there will be no electricity today, tomorrow and the next day.

Aiiyooo….You know What?

Well…That’s my Home- Manipur, Late Pandit Jawaharlal Nehru paid a fitting tribute by describing it as "Jewel of India", It indeed is. No place is Perfectamundo! Home is Home and Always the Best.

...and of Course Lamka! Come what may.. It will not deter me from going Home this Christmas. I kind of miss that chaotic environment not to mention the scenic beauty, the Christmas Feast, the people, the drinks (It can also be water ya’ll!), the cold evening, kom kuva… I just Love it all!

Yippee-Kay- Yay!!! ‘Am Comin’ Home this Christmas!! Home! Mama..